"Манчестер Юнайтед" бош мураббийи Рубен Аморим Чемпионлар лигасини ўтказиб юбориш унинг жамоасига кейинги мавсумда "афзаллик" беришини айтди.
Европа лигаси финалида "Тоттенхэм"га ютқазиб қўйган "Манчестер Юнайтед" нафақат Чемпионлар лигасидан, балки умуман Европа мусобақаларидан ҳам чиқиб кетди, чунки "қизил иблислар" Премьер-лигада 15-ўринни эгаллади.
"Бизда доим иккита режа бор: Чемпионлар лигаси билан ва усиз. Чемпионлар лигасисиз эса бизга катта таркиб керак эмас.
Биз ўз таркибимизни яхшироқ назорат қила оламиз. Бизда ҳали янги ўйинчиларни олиб келиш режамиз бор, аммо умумий режа - таркибни яхшилаш, академияни яхшилаш.
Бу ўтмишда ишлаган, шунинг учун келажакда ҳам ишлаши мумкин. Молиявий фейр-плэй туфайли биз у қадар кўп нарсани ўзгартира олмаймиз. Чемпионлар лигасига эга бўлганимизда ҳам бунга рухсат берилмасди, лекин биз тайёрмиз.
Айтишим керакки, Чемпионлар лигасига кирмаслик биз учун устунлик бўлиб, яхшироқ ўйинлар ўтказишимизга ва келажак учун жамоанинг ўзагини қуришимизга имкон беради.
Шундай экан, еврокубокларда ўйнамасликдан унумли фойдаланганимиз яхши бўлади", - деди Аморим Sky Sports билан суҳбатда.
