"Manchester Yunayted" bosh direktori Omar Berrada tarkibni kuchaytirish borasidagi ishlar haqidagi savolga javob qaytardi.
"Evropa ligasi finalida mag‘lub bo‘lganimizdan hanuz afsusdamiz, biz bu chempionlikni qo‘lga kiritishni xohlagandik. Lekin futbolchilar, murabbiylar va xodimlar yangi mavsumga tayyorgarlik ko‘rish uchun qo‘lidan kelgan barcha ishni qilishmoqda.
Bu klubda ishlash katta sharaf. O‘tgan mavsum qiyin kechdi: klubni o‘zgartirish jarayoni maydonda ham, maydon tashqarisida ham boshlangan edi. Qadamlar tashlash qiyin edi, ammo ularning barchasi kelajakka eng yaxshi tarzda tayyorgarlik ko‘rishga qaratilgan.
Biz bir necha oydan beri transfer oynasiga tayyorgarlik ko‘rdik. Biz turli ssenariylarni o‘rganib chiqdik va endi nima qilishimiz kerakligini aniq bilamiz. Biz tarkibni qanday kuchaytirishni juda aniq tushunamiz.
Kelajakda nima bo‘lishidan hayajondaman. Ruben Amorim bizni birlik sifatida juda qattiq ishlashga majbur qiladi. Ishonchim komilki, biz muvaffaqiyatga qaytamiz" - dedi Berrada klub televideniyesiga bergan intervyusida.
