"Espanyol" posboni Joan Garsiyaga faqatgina "Barselona" qiziqish bildirmayapti.
Yaqinda ispan OAVlari tarqatgan xabarga ko‘ra "ko‘k-anorranglilar" 24 yoshli darvozabon bilan kelishib olishgan. Shu bilan birga, Diario AS xabariga ko‘ra, "Espanyol" Garsiya faoliyatini "Barsa"da emas, balki Angliya Premyer-ligasi klublaridan birida davom ettiradi, deb hisoblamoqda. Tez orada vaziyat oydinlashishi kerak.
Joan Garsiya La Liganing ortda qolgan mavsumida 38 ta o‘yinning barchasida maydonga tushib, 51 ta gol o‘tkazib yubordi va 8 marta darvozani daxlsiz saqlab qoldi.













