Ispaniyalik tajribali himoyachi Sesar Aspilikueta Madridning "Atletiko" klubi bilan shartnomasi yakunlanayotgani sababli jamoani tark etmoqda.
Todofichajes portali xabariga ko‘ra, 35 yoshli futbolchi faoliyatini La Liganing boshqa klubida davom ettiradi. Aspilikuetani "Selta" o‘z safiga qo‘shib oladi. Vigoliklar safiga himoyachi erkin agent maqomida qo‘shiladi.
Eslatib o‘tamiz, Sesar "matraschilar" safida 2023 yilning yozidan buyon to‘p tepib kelmoqda. Transfermarkt portali ekspertlari uning bozor qiymatini 1,8 million yevroga baholamoqda.
Ispaniya chempionatining yakunlangan mavsumida himoyachi 14 ta o‘yin o‘tkazdi. Aspilikueta bitta gol urib, bitta sariq kartochka ishlab oldi.
