Испаниялик тажрибали ҳимоячи Сесар Аспиликуэта Мадриднинг "Атлетико" клуби билан шартномаси якунланаётгани сабабли жамоани тарк этмоқда.
Todofichajes портали хабарига кўра, 35 ёшли футболчи фаолиятини Ла Лиганинг бошқа клубида давом эттиради. Аспиликуэтани "Сельта" ўз сафига қўшиб олади. Виголиклар сафига ҳимоячи эркин агент мақомида қўшилади.
Эслатиб ўтамиз, Сесар "матрасчилар" сафида 2023 йилнинг ёзидан буён тўп тепиб келмоқда. Transfermarkt портали экспертлари унинг бозор қийматини 1,8 миллион еврога баҳоламоқда.
Испания чемпионатининг якунланган мавсумида ҳимоячи 14 та ўйин ўтказди. Аспиликуэта битта гол уриб, битта сариқ карточка ишлаб олди.
