«Manchester Yunayted» yarim himoyachisi Brunu Fernandesh Saudiya Arabistoniga ko‘chib o‘tish imkoniyatini jiddiy ko‘rib chiqmoqda.

Jurnalist Ben Jeykobsning ijtimoiy tarmoqlarda xabar berishicha, portugaliyalik futbolchining agenti Migel Pinyo hafta boshida Ar-Riyodga yetib borib, u yerda «Al-Hilol» vakili, jumladan klub prezidenti Fahad bin Nafal bilan muzokaralar o‘tkazgan. Ichki manbalar uchrashuvni «samarali» deb baholagan va tomonlar muayyan ilgarilashga erishganini ma’lum qilishgan.

«Al-Hilol» klublar o‘rtasidagi jahon chempionati boshlanishidan avval transferlarni yakunlashni maqsad qilgan. Shu bois, klub Fernandeshdan payshanbagacha javob berishni so‘ragan. So‘nggi 48 soat ichida futbolchining roziligini olish uchun faol harakatlar amalga oshirilgan.

«Al-Hilol» vakillari Brunu hali ham ularning taklifini rad etmaganini ta’kidlashmoqda. Ammo «Manchester Yunayted»ning pozisiyasi qattiq — klub o‘z sardorini qo‘yib yuborishni istamaydi. Mazkur transfer taqdiri yaqin kunlarda hal bo‘lishi mumkin.