Leverkuzenning «Bayer» jamoasi yarim himoyachi Florian Virs uchun «Liverpul» tomonidan taklif qilingan 130 million yevro miqdoridagi ikkinchi taklifni ham rad etdi. Germaniyaliklar futbolchi uchun 150 million yevro talab qilmoqda. Bu haqda jurnalist Kristian Falk X ijtimoiy tarmog‘ida (avvalgi Twitter) xabar berdi.
O‘tgan mavsumda Virs barcha musobaqalarda 45 ta o‘yinda maydonga tushib, 16 ta gol va 15 ta golli uzatma amalga oshirdi. Uning klub bilan amaldagi shartnomasi 2027 yil yozigacha mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor bahosi 140 million yevroni tashkil etadi.
22 yoshli nemis futbolchisiga «Manchester Siti» va «Real» klublari ham da’vogarlik qilmoqda.













