"Arsenal" chorshanba kuni o‘z saytida shartnoma muddati tugashi munosabati bilan klubni tark etadigan 20 nafar futbolchi ro‘yxatini e’lon qildi. Ro‘yxatda nafaqat birinchi jamoa, balki yoshlar va ayollar jamoalari vakillari ham bor.
"Arsenal" alohida ta’kidlaganidek, shartnomasi muddati tugaydigan uch futbolchi bilan muzokaralar olib boriladi. Yarim himoyachi Tomas Parti ushbu ro‘yxatga kiritilgan.
"Muhokamalar davom etmoqda va barcha tomonlar o‘rtasida masalalar yakuniy hal bo‘lgach, biz bu haqda o‘z vaqtida xabar beramiz", - deyiladi "Arsenal" saytida.
Avvalroq, 31 yoshli Tomas Partiga "Barselona" qiziqayotgani xabar qilingandi.
