"Арсенал" чоршанба куни ўз сайтида шартнома муддати тугаши муносабати билан клубни тарк этадиган 20 нафар футболчи рўйхатини эълон қилди. Рўйхатда нафақат биринчи жамоа, балки ёшлар ва аёллар жамоалари вакиллари ҳам бор.
"Арсенал" алоҳида таъкидлаганидек, шартномаси муддати тугайдиган уч футболчи билан музокаралар олиб борилади. Ярим ҳимоячи Томас Парти ушбу рўйхатга киритилган.
"Муҳокамалар давом этмоқда ва барча томонлар ўртасида масалалар якуний ҳал бўлгач, биз бу ҳақда ўз вақтида хабар берамиз", - дейилади "Арсенал" сайтида.
Аввалроқ, 31 ёшли Томас Партига "Барселона" қизиқаётгани хабар қилинганди.
