Turkiyaning "Galatasaroy" klubi mavsumlar oralig‘ida katta transfer amalga oshirishi mumkin. Jurnalist Ali Naji Kuchukning ma’lum qilishicha, jamoa "Liverpul" darvozaboni Alisson Bekerni sotib olish ustida ish olib bormoqda.
Manbaning yozishicha, braziliyalik posbon maoshga bo‘lgan talabini pasaytirgan, bu esa ehtimoliy kelishuvni osonlashtiradi. "Liverpul" yozda Alissonni qo‘yib yuborishi mumkin, chunki jamoaga yoshroq Georgiy Mamardashvili keladi. Eslatib o‘tamiz, gruziyalik futbolchi o‘tgan yozda "Valensiya"dan sotib olingan, ammo "Liverpul" rahbariyati uni "ko‘rshapalaklar" qarorgohida ijara asosida qoldirgan edi.
"Galatasaroy" uzoq yillik faoliyatidan so‘ng jamoani tark etgan Fernando Musleraga munosib o‘rinbosar izlamoqda. Alisson turklar uchun ustuvor nomzodlardan biri hisoblanadi.
