"Manchester Yunayted"ning sobiq futbolchisi Roy Kin Angliya terma jamoasining Andorra ustidan qozonilgan jahon chempionati saralash o‘yinidagi g‘alabasiga izoh berdi.
Tomas Tuxel shogirdlarining safardagi o‘yini 1:0 hisobida yakunlandi. Yagona gol o‘yinning ikkinchi bo‘limida Xarri Keyn tomonidan kiritildi, tanaffusda esa futbolchilar muxlislar tomonidan hushtakbozlikka uchradi.
"Menga ba’zi futbolchilar so‘nggi yarim soatda zerikkandek tuyuldi va bu menga yoqmayapti. Gol urilgach, barchasi to‘xtadi. Bu Andorra - boring va yana uring!
Bu futbolchilar murabbiyda taassurot qoldirishi kerak. Boring va yana bir nechta gol uring! Siz hujumchilarsiz, faqatgina Keynga qarab tura olmaysiz," - deb Kin so‘zlarini keltirmoqda Mirror.
3 o‘yindan so‘ng inglizlar 9 ochko jamg‘arib, guruhda peshqadamlik qilmoqda.
