"Manchester Yunayted" o‘zining umumiy operasion xarajatlarini 41,6 million funt sterlingga (49,5 million yevro) kamaytirib, 162,1 million funt sterlingga (192,8 million yevro) tushirdi, deya xabar beradi The Sun.
Manbaga ko‘ra, "qizil iblislar" qisqartirishdan keyin "Sporting"ga hujumchi Viktor Dyokeresh uchun 60 million funt (71,4 million yevro) berishga tayyor. 27 yoshli forvardning shartnomasida 80 million funt sterling (95,2 million yevro) sotib olish bandi bor, biroq “qizillar” o‘zlari ko‘tara oladigan narxni kelishib olishga urinib ko‘rishmoqda.
O‘tgan mavsumda Dyokeresh barcha turnirlarda 52 ta o‘yin o‘tkazib, 54 ta gol urdi va 13 ta golga assistentlik qildi.
