"Манчестер Юнайтед" ўзининг умумий операцион харажатларини 41,6 миллион фунт стерлингга (49,5 миллион евро) камайтириб, 162,1 миллион фунт стерлингга (192,8 миллион евро) туширди, дея хабар беради The Sun.

Манбага кўра, "қизил иблислар" қисқартиришдан кейин "Спортинг"га ҳужумчи Виктор Дьёкереш учун 60 миллион фунт (71,4 миллион евро) беришга тайёр. 27 ёшли форварднинг шартномасида 80 миллион фунт стерлинг (95,2 миллион евро) сотиб олиш банди бор, бироқ “қизиллар” ўзлари кўтара оладиган нархни келишиб олишга уриниб кўришмоқда.

Ўтган мавсумда Дьёкереш барча турнирларда 52 та ўйин ўтказиб, 54 та гол урди ва 13 та голга ассистентлик қилди.