Kataloniyaning "Barselona" klubi yarim himoyachisi Fermin Lopesga Angliya Premyer-ligasi va Saudiya Arabistoni chempionati klublari qiziqish bildirmoqda. Jurnalist Ferran Korreasning yozishicha, "ko‘k-anorranglilar" o‘zlarining yosh tarbiyalanuvchisi bilan xayrlashmaslikka qaror qilishgan.
Qayd etilishicha, Fermin "Barselona" kiyinish xonasida yaxshi obro‘ga ega va bosh murabbiy Xans-Diter Flikning ishonchiga sazovor bo‘lgan. Futbolchi rahbariyatga o‘zi kelib, iltimos qilgan taqdirdagina jamoani tark etishiga ruxsat beriladi. Eslatib o‘tamiz, Fermin o‘tgan mavsumda asosiy tarkibda barqaror o‘yin amaliyoti olmadi.
