Transfermarkt portali ekspertlari Ispaniya La ligasida o‘ynaydigan futbolchilarning taxminiy baholarini qayta yangiladi.
Eng qimmat o‘yinchi maqomini uchta futbolchi bo‘lishishdi.
"Barselona"dan Lamin Yamal va uning jamoadoshi Pedri, shuningdek, "Betis"dan Xesus Rodriges eng ko‘p qimmatlagan.
Ularning har biri 20 million yevroga qimmatlashgan. Endilikda Yamal 200 million yevroga, Pedri esa 140 million yevroga, Rodriges esa 30 million yevroga baholanmoqda.
Narxlari eng yuqori ko‘tarilgan La Liganing top-5 o‘yinchilari qatoriga shuningdek, "Betis" futbolchisi Antoni (+15 million yevro = 35 million yevro) va "Barselona" futbolchisi Ferran Torres (+12 million yevro = 40 million yevro) ham kiradi.
Eslatib o‘tamiz, Antoni mavsumning ikkinchi qismida ijara asosida "Betis"da o‘ynagandi.













