Florian Virs "Liverpul"ga o‘tishga yaqin turibdi.

Ingliz klubi 22 yoshli yarim himoyachining transferi bo‘yicha "Bayer" bilan og‘zaki kelishib oldi, deb xabar beradi Fabrisio Romano.

Shartnoma bonuslar bilan birga 150 million yevroga teng.

Mersisaydliklar futbolchi bilan ikki hafta oldin kelishuvga erishgandi. Florian endi tibbiy ko‘rikdan o‘tishga va yangi klubi bilan shartnoma imzolashga hozirlik ko‘rmoqda.

Bundesliganing o‘tgan mavsumida Virs 31 ta o‘yin o‘tkazib, 10 ta gol urdi va 12 ta golli uzatmani amalga oshirdi.