Italiyalik sobiq hujumchi Kristian Vyeri Simone Indzagining "Inter"dagi faoliyatiga baho berdi.
"Neradzurrilar" Chempionlar Ligasi finalida "PSJ"ga 0:5 hisobida mag‘lub bo‘lganidan ko‘p o‘tmay, murabbiyini yo‘qotdi. 49 yoshli mutaxassis Saudiya Arabistonining "Al-Hilol" klubi taklifini qabul qildi.
"Indzagi "Inter"dagi to‘rt yil ichida ajoyib ishlarni amalga oshirdi. U uch mavsumda ikki marta cheklangan byudjetga qaramay, jamoani Chempionlar Ligasi finaliga olib chiqdi. "Inter" istaganicha pul sarflaydigan "Real," "PSJ," "Bavariya," "Manchester Siti" yoki "Barselona" emas. Fenomenal ish. Simonening qolmagani juda achinarli," - dedi Vyeri Football Italia bilan suhbatda.
