"Roma" hujumchisi Paulo Dibala "Napoli"ga yangi kelgan Kevin de Bryuynega salom yo‘lladi.
Belgiyalik yulduz "Manchester Siti" safida Angliya Premyer-ligasida o‘n yil o‘ynagach, A Seriyada o‘zini sinab ko‘radi. Neapolliklar payshanba kuni 33 yoshli xavbek bilan shartnoma imzolaganini rasman tasdiqladi.
Dibala o‘zining ijtimoiy tarmoqlardagi sahifasida de Bryuynening "shaharliklar" safida o‘ynagan vaqtida imzo chekkan futbolkasi bilan tushgan suratini joylashtirdi: "Rahmat, Kevin, A Seriyaga xush kelibsiz".
Kevin de Bryuyne "Manchester Siti" safini erkin agent sifatida tark etadi. Uning ingliz grandi bilan shartnomasi iyun oyi oxirida yakunlanadi.













