"Рома" ҳужумчиси Пауло Дибала "Наполи"га янги келган Кевин де Брюйнега салом йўллади.
Бельгиялик юлдуз "Манчестер Сити" сафида Англия Премьер-лигасида ўн йил ўйнагач, А Серияда ўзини синаб кўради. Неаполликлар пайшанба куни 33 ёшли хавбек билан шартнома имзолаганини расман тасдиқлади.
Дибала ўзининг ижтимоий тармоқлардаги саҳифасида де Брюйненинг "шаҳарликлар" сафида ўйнаган вақтида имзо чеккан футболкаси билан тушган суратини жойлаштирди: "Раҳмат, Кевин, А Серияга хуш келибсиз".
Кевин де Брюйне "Манчестер Сити" сафини эркин агент сифатида тарк этади. Унинг инглиз гранди билан шартномаси июнь ойи охирида якунланади.













