"Nyukasl"ning o‘ng qanot himoyachisi Tino Livramento "Manchester Siti"ga o‘tishi dargumon. Bu haqda jurnalist Kreyg Xoup xabar bermoqda.

Manbaga ko‘ra, futbolchining sotilishiga "Nyukasl" bosh murabbiyi Eddi Xau qarshilik qilmoqda, futbolchining o‘zi ham klubdan ketish istagini bildirmagan. Ta’kidlanishicha, kelishuv amalga oshishi dargumon, chunki "Manchester Siti" uzoq vaqt kutmoqchi emas.

Joriy mavsumda 22 yoshli Livramento barcha musobaqalarda 45 ta o‘yinda maydonga tushdi va faqat bitta golli uzatmani amalga oshirdi.

Nufuzli Transfermarkt portali mutaxassislari futbolchini 40 million yevroga baholamoqda.