"Manchester Siti" tayanch yarim himoyachisi Maksimo Perrone "Komo"ga doimiy asosda o‘tishi mumkin. Bu haqda insayder Fabrisio Romano xabar bermoqda.

Manbaga ko‘ra, hozircha tomonlar o‘rtasida Perronening to‘laqonli transferi bo‘yicha kelishuvga erishilmagan. Shu bilan birga, ta’kidlanishicha, "Komo" 22 yoshli argentinalik futbolchining ijarasini uzaytirish huquqiga ega, shu bois futbolchining Italiya klubidagi kelajagi xavotirli emas.

"Komo" Perroneni 2024 yilning yozida ijaraga olgandi. Futbolchi o‘tgan mavsumda 26 ta o‘yinda maydonga tushib, 3 ta golli uzatmani amalga oshirdi.

Transfermarkt portali ma’lumotlariga ko‘ra, yarim himoyachining narxi to‘qqiz million yevroni tashkil etadi.