"Манчестер Сити" таянч ярим ҳимоячиси Максимо Перроне "Комо"га доимий асосда ўтиши мумкин. Бу ҳақда инсайдер Фабрицио Романо хабар бермоқда.
Манбага кўра, ҳозирча томонлар ўртасида Перроненинг тўлақонли трансфери бўйича келишувга эришилмаган. Шу билан бирга, таъкидланишича, "Комо" 22 ёшли аргентиналик футболчининг ижарасини узайтириш ҳуқуқига эга, шу боис футболчининг Италия клубидаги келажаги хавотирли эмас.
"Комо" Перронени 2024 йилнинг ёзида ижарага олганди. Футболчи ўтган мавсумда 26 та ўйинда майдонга тушиб, 3 та голли узатмани амалга оширди.
Transfermarkt портали маълумотларига кўра, ярим ҳимоячининг нархи тўққиз миллион еврони ташкил этади.
