"Bayer" yarim himoyachisi Florian Virs shu hafta oxirida Angliyaga yetib keladi. Bu haqda jurnalist Devid Ornshteyn xabar bermoqda.

Manbaga ko‘ra, Virsni tibbiy ko‘rikdan o‘tkazish juma kuniga rejalashtirilgan, shundan so‘ng bitim yopilishi kerak. Futbolchining transferi uchun "Liverpul" qat’iy belgilangan 117 mln yevro va 19 mln bonus to‘laydi. Virs besh yillik shartnoma imzolaydi, deya ta’kidladi manba.

Joriy mavsumda 22 yoshli xavbek barcha musobaqalarda 45 ta uchrashuvda maydonga tushib, 16 ta gol urdi va 15 ta golli uzatmani o‘z hisobiga yozdirib qo‘ydi. Transfermarkt ekspertlari germaniyalikning narxini 140 mln yevroga baholamoqda.