"Байер" ярим ҳимоячиси Флориан Вирц шу ҳафта охирида Англияга етиб келади. Бу ҳақда журналист Дэвид Орнштейн хабар бермоқда.

Манбага кўра, Вирцни тиббий кўрикдан ўтказиш жума кунига режалаштирилган, шундан сўнг битим ёпилиши керак. Футболчининг трансфери учун "Ливерпуль" қатъий белгиланган 117 млн евро ва 19 млн бонус тўлайди. Вирц беш йиллик шартнома имзолайди, дея таъкидлади манба.

Жорий мавсумда 22 ёшли хавбек барча мусобақаларда 45 та учрашувда майдонга тушиб, 16 та гол урди ва 15 та голли узатмани ўз ҳисобига ёздириб қўйди. Transfermarkt экспертлари германияликнинг нархини 140 млн еврога баҳоламоқда.