"Manchester Yunayted" vingeri Jeydon Sancho yangi mavsumda klubda qolishi dargumon.

25 yoshli futbolchi "Chelsi"da ijarada o‘tkazgan mavsumdan keyin "qizil iblislar" safiga qaytdi - londonliklar uni sotib olish majburiyatidan voz kechdi va hatto inglizni "MYU"ga qaytarish uchun jarima to‘ladi. Sky Sports xabariga ko‘ra, mankunianliklar rahbariyati Sanchoni yozda sotib yubormoqchi va allaqachon transfer takliflarini kutmoqda. Klub va futbolchi butunlay xayrlashmoqchi - navbatdagi ijara har ikki tomon uchun ham ustuvor emas.

Nufuzli Transfermarkt portali ekspertlari Jeydon Sanchoning narxini 28 mln yevroga baholamoqda.