Madridning "Real" klubi bosh murabbiyi Xabi Alonso jamoa o‘yinini yaxshilash borasidagi rejalari haqida gapirdi.

Karlo Anchelotti qo‘l ostidagi so‘nggi mavsumda "qaymoqranglilar" muvozanat yetishmasligidan aziyat chekdi, bu haqda italiyalikning o‘zi ham tez-tez gapirardi. Hujum yulduzlarining mudofaada jamoaga yordam bera olmasligi asosiy muammolardan biri hisoblangan.

"Agar biz maydonda uzoq masofani bosib o‘ta olsak, hammasi yaxshi ishlaydi. Biz bu jihatga ko‘p e’tibor beramiz. Zamonaviy futbolda himoyada ishlash katta ahamiyatga ega. Asosiysi, har bir fazada birlikni saqlab qolish. Vaqtimiz oz edi, lekin bu haqda gaplashib oldik. Klublar o‘rtasidagi jahon chempionatining so‘nggi kunida birinchi kungidan kuchliroq bo‘lamiz," - dedi Xabi Alonso matbuot anjumanida.