"Napoli" hujumchisi Viktor Osimxen o‘ziga boshqa klublardan qiziqishlar bo‘layotgani haqida gapirdi.
26 yoshli futbolchi yaqin oylarda neapolliklar safini tark etadi. Unga da’vogarlar orasida Yevropa grandlari ham, Saudiya Arabistoni chempionati vakillari ham bor.
"Bilasizki, mavsum tugab, transfer oynasi ochilganda doim shunday bo‘ladi. Meni ko‘plab klublar o‘z safiga qo‘shib olmoqchi, ammo hozir bor e’tiborimni ta’tilimga qaratganman, vaqtimni yaxshi o‘tkazmoqchiman. Shu bilan birga, xatolarimni tahlil qilishga harakat qilaman, bu esa menga futbol va shaxsiy jihatdan o‘sishga yordam beradi," - deya Osimxenning so‘zlarini keltiradi jurnalist Alfredo Pedulla.
"Napoli" nigeriyalik forvardni sotishdan taxminan 70 mln yevro ishlab olmoqchi.
