"Наполи" ҳужумчиси Виктор Осимхен ўзига бошқа клублардан қизиқишлар бўлаётгани ҳақида гапирди.
26 ёшли футболчи яқин ойларда неаполликлар сафини тарк этади. Унга даъвогарлар орасида Европа грандлари ҳам, Саудия Арабистони чемпионати вакиллари ҳам бор.
"Биласизки, мавсум тугаб, трансфер ойнаси очилганда доим шундай бўлади. Мени кўплаб клублар ўз сафига қўшиб олмоқчи, аммо ҳозир бор эътиборимни таътилимга қаратганман, вақтимни яхши ўтказмоқчиман. Шу билан бирга, хатоларимни таҳлил қилишга ҳаракат қиламан, бу эса менга футбол ва шахсий жиҳатдан ўсишга ёрдам беради," - дея Осимхеннинг сўзларини келтиради журналист Альфредо Педулла.
"Наполи" нигериялик форвардни сотишдан тахминан 70 млн евро ишлаб олмоқчи.
