Madridning “Real” klubi hujumchisi Kilian Mbappe klublar o‘rtasidagi jahon chempionati guruh bosqichi 3-turidan o‘rin olgan “Zalsburg”ga qarshi o‘yinda ishtirok etishi mumkin, deb xabar berdi jurnalist Serxio Kirante.
26 yoshli fransiyalik 18 iyun kuni bo‘lib o‘tgan 1-tur doirasidagi “Al-Hilol”ga (1:1) qarshi o‘yinni o‘tkazib yubordi. Futbolchi ichak infeksiyasi bilan kasalxonaga yotqizilgan edi. Bir necha soatdan keyin u kasalxonadan chiqarildi va jamoa yig‘iniga qaytdi.
"Zalsburg" - "Real" uchrashuvi 27 iyun, juma kuni bo‘lib o‘tadi. O‘yin Toshkent vaqti bilan soat 06:00'da boshlanadi.
