Мадриднинг “Реал” клуби ҳужумчиси Килиан Мбаппе клублар ўртасидаги жаҳон чемпионати гуруҳ босқичи 3-туридан ўрин олган “Зальцбург”га қарши ўйинда иштирок этиши мумкин, деб хабар берди журналист Серхио Киранте.
26 ёшли франциялик 18 июнь куни бўлиб ўтган 1-тур доирасидаги “Ал-Ҳилол”га (1:1) қарши ўйинни ўтказиб юборди. Футболчи ичак инфекцияси билан касалхонага ётқизилган эди. Бир неча соатдан кейин у касалхонадан чиқарилди ва жамоа йиғинига қайтди.
"Зальцбург" - "Реал" учрашуви 27 июнь, жума куни бўлиб ўтади. Ўйин Тошкент вақти билан соат 06:00'да бошланади.
