Taniqli insayder Fabrisio Romano "Al-Hilol"ning Milanning "Inter" klubi markaziy himoyachisi Alessandro Bastoniga bo‘lgan qiziqishi haqidagi ma’lumotga izoh berdi.
Mish-mishlarga ishonadigan bo‘lsak, Saudiya klubi italiyalik futbolchiga o‘ta foydali shartnoma taklif qilgan. Yaqinda "Al-Hilol"ga to‘rt yil davomida "neradzurrilar" bosh murabbiyi bo‘lib ishlagan Simone Indzagi tayinlangandi.
"Bastoni va "Al-Hilol" o‘rtasida hech narsa bo‘lmagan. U bor e’tiborini "Inter"ga qaratgan va hatto Saudiya Arabistoniga o‘tish variantini ham ko‘rib chiqmagan," - deydi Romano.
Alessandro Bastonining "Inter" bilan shartnomasi 2028 yilgacha mo‘ljallangan.
