Таниқли инсайдер Фабрицио Романо "Ал-Ҳилол"нинг Миланнинг "Интер" клуби марказий ҳимоячиси Алессандро Бастонига бўлган қизиқиши ҳақидаги маълумотга изоҳ берди.
Миш-мишларга ишонадиган бўлсак, Саудия клуби италиялик футболчига ўта фойдали шартнома таклиф қилган. Яқинда "Ал-Ҳилол"га тўрт йил давомида "нерадзуррилар" бош мураббийи бўлиб ишлаган Симоне Индзаги тайинланганди.
"Бастони ва "Ал-Ҳилол" ўртасида ҳеч нарса бўлмаган. У бор эътиборини "Интер"га қаратган ва ҳатто Саудия Арабистонига ўтиш вариантини ҳам кўриб чиқмаган," - дейди Романо.
Алессандро Бастонининг "Интер" билан шартномаси 2028 йилгача мўлжалланган.
