La Provence nashri xabariga ko‘ra, "Marsel" PSV vingeri Yoan Bakayokoga qiziqish bildirmoqda, u yana APL va Bundesliga klublari e’tiborida bo‘lib turibdi.
Fransuz klubi Luis Enrike "Inter"ga ketganidan keyin qanot hujumkor futbolchi qidirmoqda. Biroq, nashrning yozishicha, "Marsel" hozircha Bakayoko bo‘yicha muzokaralarda oldinga siljimagan - PSV faqat klubning qiziqishidan xabardor, boshqa da’vogarlar esa allaqachon aniqroq qadam tashlagan.
Belgiyalik futbolchining Niderlandiya chempioni bilan shartnomasi 2026 yilgacha mo‘ljallangan, shu bois PSV futbolchisini tekinga yo‘qotmaslik uchun yozda uni sotish masalasini ko‘rib chiqishga majbur bo‘ladi.
Ma’lumot uchun, Bakayoko 2024/25 yilgi mavsumda PSV safida barcha musobaqalarda 47 ta o‘yinda maydonga tushib, 12 ta gol urgan va 3 ta golli uzatmani amalga oshirgan.
