Kolumbiyalik hujumchi Jon Duran tez orada Saudiya Arabistonini Turkiyaga almashtirishi mumkin - 21 yoshli forvard "An-Nasr"dan "Fenerbaxche"ga o‘tishni o‘ylamoqda.
Bu haqda jurnalist Florian Plettenberg xabar berdi. Potensial transferga Duranning o‘yin formasiga ham, ruhiy holatiga ham ta’sir qilgan shaxsiy qiyinchiliklar sabab bo‘lgani aytilmoqda.
Manbaga ko‘ra, futbolchining o‘zi Yevropaga qaytishga tayyor va Istanbul grandining qiziqishiga ijobiy javob bergan.
Futbolchiga shaxsan Joze Mourinyo qiziqish bildirmoqda.
"Fenerbaxche" bosh murabbiyi allaqachon Duran bilan to‘g‘ridan-to‘g‘ri aloqa o‘rnatgan, bu klubning niyati jiddiyligini ko‘rsatadi.
