Xavyer Tebas La Liga o‘yinining AQSHda o‘tkazilishi haqida fikr bildirdi.
"Biz bu borada ishlamoqdamiz, ammo bu oson emas. Men bu masalani tartibga solishi kerak bo‘lgan FIFA qo‘mitasi a’zosiman. AQSHda sud bizni Qo‘shma Shtatlardagi o‘yinlarni tashkil etish bo‘yicha hamkorimiz Relevent bilan shartnoma tuzishga majbur qildi. Bu mavsumda yoki keyingisida buning amalga oshishi mumkinligini o‘rganib chiqamiz.
Bu La Liga uchun ustuvor vazifa emas. Biroq, umid qilamanki, biz bunga erishamiz. Qanchalik tez bo‘lsa, shunchalik yaxshi. Biz buni xohlardik. Xuddi NFL o‘yinlari "Santyago Bernabeu"da, NBA esa Parij va boshqa joylarda o‘tkazilgani kabi... Nega biz ham shunday qila olmaymiz?
Biz faqat bitta o‘yin o‘tkazamiz. Ammo shunday shov-shuvlar tarqaldiki, go‘yo biz 380ta o‘yin o‘tkazmoqchi edik," - dedi La Liga prezidenti.













