"PSJ" hujumkor yarim himoyachisi Dezire Due o‘tgan mavsumdagi muvaffaqiyatlari haqida gapirdi.

"Men uchun intizom eng muhimi. Hozir o‘zimning eng yaxshi futbolimni o‘ynashga va bundan zavq olishga harakat qilyapman. Yana menga jamoadoshlarim yordam berishadi. Bunday ajoyib futbolchilar bilan o‘ynasangiz, bu rivojlanishga katta ta’sir ko‘rsatadi," - deya 20 yoshli vingerning so‘zlarini keltiradi FIFA matbuot xizmati.

O‘tgan mavsumda yarim himoyachi Parij jamoasining 55 ta o‘yinida qatnashib, 15 ta gol va 16 ta golli uzatmani o‘z hisobiga yozdirib qo‘ydi.