Saudiya Arabistonining "An-Nasr" klubi kolumbiyalik hujumchi Jon Duranga Turkiyaning "Fenerbaxche" klubi bilan muzokaralarni davom ettirishga ruxsat berdi.
21 yoshli futbolchiga Istanbul klubi qiziqish bildirayotgani yaqinda ma’lum bo‘ldi.
Bir kun avval esa Saudiya Arabistoni klubi futbolchiga o‘tish uchun "yashil chiroq" yoqib qo‘ygani tufayli muzokaralar faol bosqichga kirdi, deya xabar bermoqda Fabrisio Romano.
Dyuran "An-Nasr"da bor-yo‘g‘i yarim yil o‘ynadi. Bu vaqt ichida hujumchi barcha turnirlarda 18 ta o‘yin o‘tkazib, 12 ta gol urishga muvaffaq bo‘ldi.













