Saudiya Arabistonining "Al-Hilol" klubi hujumchisi Markos Leonardo klublar o‘rtasidagi jahon chempionati 1/8 finalidan o‘rin olgan Angliyaning "Manchester Siti" klubiga (4:3) qarshi o‘yin yakunlari bo‘yicha o‘z fikrlarini bildirib o‘tdi. Futbolchi bu uchrashuvda ikkita gol urdi.

"Oxirgi ikki oy men uchun oson kechmadi. Onam 70 kun intensiv terapiya bo‘limida bo‘ldi. Xudoga shukur, bugun uning ahvoli yaxshi. O‘sha ikki golni urganimda u haqida o‘yladim. U o‘yinni tomosha qila oldi. Biz oilamiz haqida - biz uchun eng yaxshi narsalarni xohlaydigan odamlar haqida o‘ylashimiz kerak. Agar ular bizni kuzatishmaganida, bugun bu yerda bo‘lmasdim," - deya Leonardoning so‘zlarini keltiradi FIFA rasmiy sayti.

"Al-Hilol" musobaqaning chorak finalida Braziliyaning "Fluminense" klubiga qarshi bahs olib boradi.