"Yuventus" yarim himoyachisi Manuel Lokatelli jamoasining klublar o‘rtasidagi jahon chempionatidan chiqib ketgani haqida fikr bildirdi.
1/8 finalda Madridning "Real" klubiga qarshi kechgan uchrashuv 0:1 hisobida yakunlandi.
"O‘yin boshida bizda ikkita imkoniyat bor edi. Yaxshiroq o‘ynashimiz mumkin edi. Biz ajoyib jamoaviy ruhni namoyish etdik, ayniqsa, hujumchilar astoydil harakat qilishdi. Turnirda "Manchester Siti"ga qarshi o‘yinni hisobga olmaganda, yetarlicha yaxshi harakat qildik. "Real"ga qarshi o‘ynaganimizda ham deyarli bir xil darajada edik," - deya Lokatellining so‘zlarini keltiradi FIFA rasmiy sayti.
