"Milan" rasmiy sayti orqali tarkibga yangi futbolchi qo‘shilganini e’lon qildi. "Rossonerilar" avvalroq "Torino" sharafini himoya qilgan yarim himoyachi Samuel Richchi bilan shartnoma imzoladi. 23 yoshli futbolchi 4 mavsumga mo‘ljallangan mehnat shartnomasiga imzo chekdi. Unda yana bir yilga uzaytirish imkoniyati ko‘rsatilgan.
"Milan" safida Samuel Richchi 4-raqam ostida harakat qiladi.
Richchi butun faoliyatini vatani Italiyada o‘tkazdi - "Torino"ga qadar xavbek "Empoli" sharafini himoya qilgan. Samuel Italiya terma jamoasi safida 10 ta o‘yin o‘tkazdi.
