Darvozabon Jorje Petrovich yozda "Chelsi"ni tark etishi aniq. Serbiyalik futbolchi o‘tgan mavsum "Strasburg" safida vaqtincha Fransiyada to‘p tepgan edi. Endilikda matbuot Petrovichni "Sanderlend" va "Galatasaroy" bilan bog‘lamoqda. Gap endi ijara haqida emas, balki to‘laqonli transfer haqida bo‘lishi mumkin.
Fanatik xabariga ko‘ra, 25 yoshli Petrovich "Galatasaroy"ga borishni afzal ko‘rgan bo‘lardi. Ammo jiddiy muammo bor - turk klubi "Chelsi" so‘rayotgan narxni qimmat deb hisoblamoqda. Londonliklar darvozabonni sotish orqali 25 million yevro ishlab olmoqchi.
"Chelsi" safida Jorje Petrovich 31 ta o‘yinda maydonga tushib, 44 ta gol o‘tkazib yuborgan.













