Hujumchi Lionel Messi "Inter Mayami" bilan amaldagi shartnomasi tugashiga olti oydan kamroq vaqt qolgan bo‘lsa-da, kelajagi masalasini hali yopgani yo‘q. The Athletic xabariga ko‘ra, 38 yoshli argentinalik katta ehtimol bilan MLS klubi bilan yana kamida bir mavsumga yangi shartnoma imzolaydi. Bu Leoning "Barselona" yoki "Nyuells Old Boyz"ga ta’sirli qaytishiga umid qilganlarni xafa qilishi mumkin.
Messi yaxshi darajada o‘ynashda davom etishni istaydi, "Nyuells Old Boyz"da esa, hozirgi MLSdagidan ham yomonroq muhitda bo‘ladi. "Barselona"ga kelsak, Messi klub prezidenti Joan Laportaga ishonmayapti, buning ustiga "ko‘k-anorranglilar" murakkab moliyaviy ahvolda qolmoqda.
Umuman olganda, Messining Mayamida faoliyatini davom ettirishi eng yaxshi variant hisoblanadi.
