"Yuventus" markaziy yarim himoyachisi Ueston Makkenni jamoani tark etishi mumkin, deya xabar bermoqda Tuttosport.

Manbaga ko‘ra, agar 15-20 million yevro atrofida taklif tushsa, 26 yoshli amerikalik sotilishi mumkin. Ayniqsa, shartnomani uzaytirish masalasi yaqin orada hal qilinmasa.

Ueston bilan kelishuvni uzaytirish bo‘yicha muzokaralar bir necha oydan beri davom etmoqda, ammo sezilarli siljish yo‘q.

Amaldagi shartnoma 2026 yil 30 iyungacha mo‘ljallangan.

Ueston 2020 yilning sentyabridan beri "Yuventus"da o‘ynab kelmoqda, u dastlab "Shalke"dan ijara asosida jamoaga qo‘shilgan va bir yildan so‘ng 21,9 million yevroga sotib olingan.

U o‘tgan mavsumda 44 ta o‘yinda 5 ta gol urdi va 4 ta golli uzatmani amalga oshirdi.