"Brentford" vingeri Brayan Mbeumo hozircha klubda qolmoqda. Insayder Fabrisio Romanoning xabar berishicha, "qizil iblislar" hali ham Mbeumoni o‘z safiga qo‘shib olishga e’tibor qaratishmoqda, muzokaralar shu hafta davom etadi.
Xabar qilinishicha, klublar o‘tgan hafta kelishuvga erisha olmagan, ammo "Manchester Yunayted" ustuvor vazifa sifatida kelishuv ustida ishlashni davom ettirishga tayyor. 25 yoshli Mbeumo o‘tgan mavsumda Angliya Premyer-ligasida 38 o‘yinda 20 gol urdi va 9 golga assistentlik qildi. Transfermarkt bergan ma’lumotlarga ko‘ra, futbolchining narxi 55 million yevro.
