"Брентфорд" вингери Брайан Мбеумо ҳозирча клубда қолмоқда. Инсайдер Фабрицио Романонинг хабар беришича, "қизил иблислар" ҳали ҳам Мбеумони ўз сафига қўшиб олишга эътибор қаратишмоқда, музокаралар шу ҳафта давом этади.
Хабар қилинишича, клублар ўтган ҳафта келишувга эриша олмаган, аммо "Манчестер Юнайтед" устувор вазифа сифатида келишув устида ишлашни давом эттиришга тайёр. 25 ёшли Мбеумо ўтган мавсумда Англия Премьер-лигасида 38 ўйинда 20 гол урди ва 9 голга ассистентлик қилди. Transfermarkt берган маълумотларга кўра, футболчининг нархи 55 миллион евро.
