"Bavariya" bosh murabbiyi Gerbert Xayner klubni tark etayotgan Tomas Myullerning o‘rniga kim kelishi haqidagi savolga javob berdi.
Klublar o‘rtasidagi jahon chempionati 1/4 finalidan o‘rin olgan "PSJ"ga qarshi o‘yin (0:2) 35 yoshli futbolchi uchun Myunxen klubidagi so‘nggi o‘yin bo‘ldi. Faxriy bilan shartnoma muddati tugayapti va uzaytirilmaydi.
"Myullerga teng qiymatli o‘rinbosar topish deyarli imkonsiz - maydonda ham, uning tashqarisida ham. Tomasning faoliyati va fe’l-atvori o‘ziga xos, uning o‘yin uslubi va xatti-harakatlari shunchaki betakrordir - u "Bavariya" uchun jon-jahdi bilan kurashadi. Ammo hayot davom etmoqda va endi boshqalar mas’uliyatni o‘z zimmalariga olishlariga to‘g‘ri keladi," - deya Xaynerning so‘zlarini keltiradi Bayern & Germany.
Tomas Myuller "Bavariya" safida jami 756 ta o‘yinda maydonga tushib, 250 ta gol va 276 ta golli uzatmaga mualliflik qilgan.
