"Бавария" бош мураббийи Герберт Хайнер клубни тарк этаётган Томас Мюллернинг ўрнига ким келиши ҳақидаги саволга жавоб берди.
Клублар ўртасидаги жаҳон чемпионати 1/4 финалидан ўрин олган "ПСЖ"га қарши ўйин (0:2) 35 ёшли футболчи учун Мюнхен клубидаги сўнгги ўйин бўлди. Фахрий билан шартнома муддати тугаяпти ва узайтирилмайди.
"Мюллерга тенг қийматли ўринбосар топиш деярли имконсиз - майдонда ҳам, унинг ташқарисида ҳам. Томаснинг фаолияти ва феъл-атвори ўзига хос, унинг ўйин услуби ва хатти-ҳаракатлари шунчаки бетакрордир - у "Бавария" учун жон-жаҳди билан курашади. Аммо ҳаёт давом этмоқда ва энди бошқалар масъулиятни ўз зиммаларига олишларига тўғри келади," - дея Хайнернинг сўзларини келтиради Bayern & Germany.
Томас Мюллер "Бавария" сафида жами 756 та ўйинда майдонга тушиб, 250 та гол ва 276 та голли узатмага муаллифлик қилган.
