UEFA “Kristal Pelas”ni keyingi mavsumda Yevropa ligasidan chetlashtirishi mumkin. Bu haqda Daily Mail xabar bermoqda.
Manbaga ko‘ra, “burgutlar” Konferensiyalar ligasiga yo‘naltiriladi va ularning o‘rnini “Nottingem Forest” egallaydi. Avvalroq, Fransiya futbol klublarini nazorat qilish va boshqarish milliy boshqarmasi "Lion" Liga 1dagi o‘rnini saqlab qolishga ruxsat bergan edi.
UEFA reglamentiga ko‘ra, egasi bir bo‘lgan ikkita klub bir xil yevrokuboklar turnirida o‘ynay olmaydi, imkoniyta o‘z chempionatida yuqoriroq pog‘onani egallagan jamoaga beriladi.
“Kristal Pelas” UEFAni bu qarorni bekor qilishga ishontirishga urindi, chunki biznesmen Jon Tekstor klubdagi ulushini sotib yubordi. Londonliklar taklifi rad etildi, chunki bu masala 1 martgacha hal qilinishi kerak edi.
