Belgiyaning "Antverpen" klubi muxlislari o‘zbekistonlik futbolchi Muhammadali O‘rinboyevni transfer qilgach, klub sport direktori Mark Overmarsni tanqid qilishdi. Bu haqda "Fergana" Voetbalnieuws'ga tayanib yozmoqda.
"Overmars O‘rinboyev bilan 4 yillik shartnoma imzoladi, futbolchi yarim million yevroga sotib olindi. "Diletantlar!" va "Firibgarlar to‘dasi" - ijtimoiy tarmoqlardagi salbiy munosabatlarning bir qismi, xolos," - deb yozadi Belgiya OAV.
O‘rinboyev bilan shartnoma imzolanishi Overmarsning ishidan norozi bo‘lgan muxlislarning sabr kosasini to‘ldirgan tomchilardan biri bo‘lgan ko‘rinadi. Avvalroq muxlislar klub sport direktorini erkin agent sifatida asosiy himoyachi Jel Batayni qo‘yib yuborgani uchun tanqid qilgandi.
