Бельгиянинг "Антверпен" клуби мухлислари ўзбекистонлик футболчи Муҳаммадали Ўринбоевни трансфер қилгач, клуб спорт директори Марк Овермарсни танқид қилишди. Бу ҳақда "Фергана" Voetbalnieuws'га таяниб ёзмоқда.
"Овермарс Ўринбоев билан 4 йиллик шартнома имзолади, футболчи ярим миллион еврога сотиб олинди. "Дилетантлар!" ва "Фирибгарлар тўдаси" - ижтимоий тармоқлардаги салбий муносабатларнинг бир қисми, холос," - деб ёзади Бельгия ОАВ.
Ўринбоев билан шартнома имзоланиши Овермарснинг ишидан норози бўлган мухлисларнинг сабр косасини тўлдирган томчилардан бири бўлган кўринади. Аввалроқ мухлислар клуб спорт директорини эркин агент сифатида асосий ҳимоячи Жел Батайни қўйиб юборгани учун танқид қилганди.
